Со величествено светлосно шоу, денес во кинеската покраина Гуижу беше отворен мост кој веќе влезе во историјата – највисокиот во светот – изграден над Големиот кањон Хуиџијанг, пренесе „Хсинхуа“.

Структурата се издига 625 метри над реката, мостот е долг 2.890 метри, додека главниот распон помеѓу столбовите е импресивни 1.420 метри.

The Guizhou Huajiang Canyon Bridge, the world's highest bridge that opened to traffic today, staged a water-screen light show. During China's eight-day National Day and Mid-Autumn Festival holiday, such performances will be held daily‼️@DiscoverGuizhou @Kanthan2030… pic.twitter.com/hJ08n8jXkD

— Record GBA (@RecordGBA) September 28, 2025

Мостот не е само највисок на планетата, туку е и инженерски рекорд во категоријата мостови со најголем распон во планински области.

Изградбата траеше три години, а завршувањето на проектот беше обележано со церемонија на која присуствуваа инженери, службени лица и бројни набљудувачи.

Висината на мостот е двојно поголема од онаа на Ајфеловата кула, а тој го сруши и претходниот рекорд што го држеше мост во истата покраина.