Камион кој превезувал 250 милиони медоносни пчели се превртел вчера во американската држава Вашингтон, близу до канадската граница, при што пчелите се ослободиле. Властите прогласија општа опасност во круг од неколку километри од несреќата, а во тек е операција за спасување на пчелите, јавуваат медиумите.

🚚In the U.S. state of #Washington, a quarter of a billion bees were set loose after a truck carrying beehives overturned.
The Whatcom #CountySheriff’s Office reported the incident on social media: “Two hundred fifty million bees are now loose. Avoid the area due to potential… pic.twitter.com/NBsy3hzIBH

— News.Az (@news_az) May 31, 2025

Несреќата се случила околу 4 часот наутро во близина на Линден, недалеку од канадската граница, кога камионот со кошници тешки околу 32 тони се превртел во канал, соопшти шерифската канцеларија на округот Вотком. Возачот не е повреден. Според официјалните информации, камионот излетал од патот откако со преголема брзина влегол во остра кривина. Полицијата, комуналните служби и бројни локални одгледувачи на пчели брзо пристигнале на местото на настанот и започнале спасувачка операција.

🚚In the U.S. state of #Washington, a quarter of a billion bees were set loose after a truck carrying beehives overturned.
The Whatcom #CountySheriff’s Office reported the incident on social media: “Two hundred fifty million bees are now loose. Avoid the area due to potential… pic.twitter.com/NBsy3hzIBH

— News.Az (@news_az) May 31, 2025

„Планот е да им се овозможи на пчелите да го најдат патот назад до своите кошници и матица во наредните денови“, соопшти канцеларијата на шерифот, додавајќи дека целта е да се спасат што е можно повеќе пчели.

„Голема благодарност до нашата заедница на одгледувачи на пчели – повеќе од дваесет од нив веднаш одговорија за да помогнат во оваа голема операција за спасување на милиони пчели“, се вели во соопштението.