Израелската и италијанската фудбалска репрезентација вечерва на неутрален терен во унгарскиот град Дебрецен одиграа спектакуларен натпревар, во рамките на петтото коло од Групата И во квалификациите за пласман на Светското првенство во 2026 година. Во дуел полн со пресврти, особено во последните минути, Италијанците успеаја да триумфираат со 5:4, што е нивна трета победа во четири натпревари, додека Израелците го претрпеа вториот пораз во пет натпревари. Сега двете селекции имаат по девет бода, зад водечката Норвешка со 12 бода.

Израелците поведоа во 16 минута по акција на десната страна и топка фрлена во шеснаесетникот, каде што Мануел Локатели реагираше несмасно и ја испрати топката во сопствената мрежа – 1:0. Веќе во 30 минута, Локатели можеше да ја исправи грешката за автоголот, испрати добар удар од 10 метри, но ја погоди пречката. Гостите продолжија со нападите, а подобрата игра на Италија го донесе резултатот во 40 минута, кога Кен, по соработката со Ретеги, успеа да го совлада голманот Перец со прецизен удар од околу 17 метри за 1:1.

ONE OF THE CRAZIEST GAMES OF FOOTBALL YOU MIGHT EVER SEE!!

ISRAEL COME BACK FROM 4-2 to 4-4! Almost immediately Italy take back the lead AGAIN! 5-4 😵😵😵 pic.twitter.com/1VaWlDfQFf

— ESPN FC (@ESPNFC) September 8, 2025

Перец им донесе ново водство на Израелците, по само седум минути игра во вториот дел, но Соломон заврши голем дел од работата. Соломон долго ја влечеше топката во противничката половина, а потоа влезе во шеснаесетникот, каде што го пронајде Перец од широката страна, кој од околу 12 метри ја погоди десната страна од голот на Донарума – 2:1. И потоа, експресен пресврт на Италијанците. Прво, во 54 минута, Моаз Кин, на асистенција на Ретеги, им донесе на Италијанците уште еден израмнувачки гол, а пет минути подоцна, уште една асистенција на Ретеги, овој пат за Политано, кој погоди за 2:3.

Израелците пропуштија одлични можности на околу 15 минути до крајот, кога Донарума и Локатели успеаја да спречат неколку опасни обиди на домашниот тим. Казната за тие промашувања дојде во 81 минута, кога Италијанците изведоа убава акција низ средината, која ја заврши Распадори, со гол од шеснаесетникот за 2:4, и се чинеше дека прашањето за победникот е решено.

Но, Израелците не мислеа така. Тие тргнаа на сè или ништо, па во 87 минута Бастони постигна автогол, а на крајот од 90 минута, координирана акција по слободен удар и мат во четири потези во режија на Перец, кој со својот втор гол го донесе израелскиот тим до нерешено – 4:4. Судијата досуди седум минути продолжение, но веќе во првата минута, Италија успеа да возврати и со голот на Тонали од околу 20 метри оствари многу важна победа – 4:5!

View this post on Instagram

A post shared by Nazionale Italiana di Calcio (@azzurri)

Квалификации СП 2026

Понеделник, резултати:

Белорусија – Шкотска 0:2
Хрватска – Црна Гора 4:0
Гибралтар – Фарски Острови 0:1
Грција – Данска 0:3
Израел – Италија 4:5
Косово – Шведска 2:0
Швајцарија – Словенија 3:0