Ракетните напади на Израел ги претворија населбите на Газа во купишта урнатини, додека блокадата на хуманитарната помош ги принудува спасувачките тимови да ги ослободуваат луѓето само со чекани или со голи раце.

Повеќе од 17.000 деца се убиени во 18 месеци од бомбардирањето, а лекарите сега го користат акронимот WCNSF („рането дете без преживеано семејство“) за безброј случаи на сирачиња.

Едно од овие деца, повредено девојче, спасувачите го извлекле од урнатините. Додека внимателно го ослободуваа, малото девојче постојано ја довикаше мајка си – несвесна дека сега е дел од категоријата WCNSF која постојано расте.

Нејзиното неодговорено прашање сепак остана да „виси во воздухот“.

Нападите врз палестинската енклава продолжуваат додека Израел го блокира горивото, хуманитарната помош и медицинската опрема.