Фудбалерите на Јувентус вечерва на домашен терен ја победија Монца со 2:0, во натпреварот од 34 коло во Серија А.

Торинскиот тим поведе во 11 минута, кога Николас Гонзалез постигна гол, додека Рандал Коло Муани го постигна вториот гол за домашниот тим во 33 минута.

Јувентус играше со играч помалку од судиското продолжение на првото полувреме, откако Кенан Јилдиз доби директен црвен картон.

На четири кола до крајот, Јувентус е на четвртото место во табелата во Серија А со 62 бодови.

Монца е на последното 20 место на табелата во Серија А со 15 бодови и мали шанси за опстанок.

Следниот натпревар на Јувентус е на гости против петтопласираната Болоња, додека Монца ја пречекува Аталанта.