Македонската фудбалска репрезентација денеска претрпе пораз во вториот пријателски натпревар во Анталија, по ремито со Молдавија, денес подобра од нашата селекција беше Црна Гора со минимални 1:0.

Натпреварот започна со наша иницијатива, имавме контрола на топката, но изостануваа оние 100% прилики за гол. Црна Гора изгледаше порезервирано, меѓутоа во самата завршница од првиот дел преку искусниот Јоветиќ стигнаа до предност.

Второто полувреме помина во сличен ритам, повторно ние имавме некои полуприлики кои не беа доволни да го пронајдеме патот до мрежата. Така Македонија овој репрезентативен прозорец го завршува со едно реми и една победа со еден постигнат гол против Молдавија кој беше дело на Бојан Миовски.

Следните предизвици за избраниците на селекторот Благоја Милевски ќе бидат натпреварите во јуни против Чешка и Хрватска.