
ВИДЕО: Јокиќ се врати и блесна со трипл-дабл во победата на Денвер
Никола Јокиќ по натпреварот кој го пропушти се врати во составот на Денвер, а со него во тимот Нагетси славеа победа над Мајами со 113:133.
Препорачано
Српскиот кошаркар повторно одигра натпревар во кој беше одличен на паркетот и стигна до трипл-дабл од 24 поени, 12 скокови и 10 асистенции. Расположен за игра кај Денвер беше и Џамал Мареј кој постигна 30 поени и додаде уште седум скокови и осум асистенции.
На спротивната страна кај Мајами се издвои Тајлер Херо со 22 поени, пет скока и четири асистенции. За Јокиќ ова беше веќе 17-трипл-дабл во актуелната сезона. Денвер на табелата на Западот се наоѓа на четврта позиција со 25 победи и 16 порази.
Далас и без Дончиоќ кој подолг период е надвор од теренот поради повреда успеа да слави над Оклахома со 106:98. Лидери на паркетот за Мавс беа Ирвинг со 25 поени, пет асистнеции и исто толку скокови и Вилијамс кој уфрли 19 поени и додаде уште пет скока и шест асистенции.
Во редовите на Оклахома се издвојуваше Дорт со 18 поени, пет скока и три асистенции.
НБА РЕЗУЛТАТИ:
Бостон – Орландо 121:94
Њујорк – Минесота 99:116
Милвоки – Торонто 130:112
Мајами – Денвер 113:133
Чикаго – Шарлот 123:125
Њу Орлеанс – Јута 136:123
Далас – Оклахома Сити 106:98
Сан Антонио – Мемфис 112:140
ЛА Лејкерс – Бруклин 102:101