Кошаркарите на Денвер нагетс не успеаа да ја искористат првата меч-топка во плејоф-серијата против Лос Анџелес клиперс, откако изминатата вечер загубија во шестиот натпревар со резултат 111-105. Сега, пласманот во втората рунда ќе се решава во мајсторката што ќе се игра в сабота вечер.

Клучниот момент се случи во третата четвртина кога Клиперси направија серија и стигнаа до предност од 15 поени (88-73), која потоа успеаја да ја контролираат до самиот финиш. Денвер во завршницата успеа да намали на само -5, но немаше доволно време за целосен пресврт.

Џејмс Харден беше во одлично издание и го предводеше домашниот тим со 28 поени, 8 асистенции и 6 скока, додека Каваи Ленард додаде 27 поени и 10 скока. На спротивната страна, Никола Јокиќ беше најефикасен кај Нагетси со 25 поени, 7 скока и 8 асистенции.

Во вториот натпревар, Њујорк никси обезбедија место во втората рунда откако славеа како гости против Детроит со 116-113, со што серијата ја затвори со 4-2 во победи. Никси во следната фаза ќе се соочат со бранителот на титулата – Бостон Селтикс.