Пејачката Јелена Карлеуша и официјално е новиот петти член на жирито на музичкото натпреварување „Пинкови ѕвезди“. Оваа вест привлече големо внимание во јавноста, бидејќи долго време се шпекулираше дали Јелена ќе заземе место на судиското столче.

Сопственикот на „Пинк“ ТВ, Жељко Митровиќ, објави видео на својот Инстаграм профил на кое се гледа моментот на потпишување на договорот со Јелена, со што се потврди нејзината нова улога.

„Јелена Карлеуша е петтиот член на жирито на „Пинкови ѕвезди“ на најголемото натпреварување за пеење во овој дел од Европа. Верувам дека „омразата“ е најголемиот непријател на човечката цивилизација, но и на српското национално битие! Ако веќе се борам против омразата, тогаш е време прво да ја искоренам во сопствениот двор! Јелена и јас би можеле да бидеме и симбол на „мирот“, и симбол на елиминирање на омразата во нашите животи! Ако сите Срби ја користеа енергијата што ја користат за омраза за креативни и позитивни активности, Србија би била најуспешната земја на планетата! Луѓе, сакајте се „затоа што животот е краток и нема реприза“, напиша Митровиќ.

 

View this post on Instagram

 

A post shared by Zeljko Mitrovic (@zeljkomitrovic)

Да се потсетиме дека Карлеуша со години беше член на жирито на „Ѕвездите на Гранд“, со кое моментално не е во добри односи.