Крилниот напаѓач на Барселона Ламин Јамал ​​стана најмладиот играч кој постигнал гол и асистенција на еден натпревар од Лигата на шампионите вечерва, објави Европската фудбалска асоцијација (УЕФА).

Шпанскиот репрезентативец постигна гол и асистираше до Рафиња во победата на Барса со 3:1 над Бенфика во реваншот од осминафиналето на ЛШ на 17 години и 241 ден, соборувајќи го претходниот рекорд кој го држеше Брил Емболо.

Швајцарскиот репрезентативец, кој моментално настапува за Монако, го држеше рекордот повеќе од 10 години.

Емболо со 17 години и 263 дена постигна гол и асистираше на 4 ноември 2014 година во победата на Базел над Лудогорец од 4:0.