Израелската армија објави дека започнала операција во Џенин, на окупираниот Западен Брег, при што палестинските власти објавија дека шест лица загинале, а 35 се ранети.

Израелските сили „почнаа антитерористичка операција во Џенин“, во северниот дел на Западниот Брег, со помош на израелската полиција и разузнавачките служби, се вели во соопштението на армијата, без да даде повеќе детали.

Според палестинското Министерство за здравство, во израелски „удар“ загинале шест лица, а 35 се ранети.

More Israeli military reinforcements are raiding the city of Jenin and its refugee camp.

At least two Palestinians were killed and over 25 others injured since the beginning of the incursion earlier today, according to the Palestinian Ministry of Health. pic.twitter.com/FXXNUFgcGq

— Quds News Network (@QudsNen) January 21, 2025

Минатата недела во друг израелски воздушен напад, исто така, во областа Џенин загинаа најмалку тројца Палестинци, а многу други беа ранети.

Од своја страна, палестинските безбедносни сили спроведуваат повеќенеделни операции за враќање на контролата врз Џенин и неговите соседни бегалски кампови, кои се сметаат за упоришта на палестинските вооружени групи.

הפלסטינים מדווחים על כוחות צה”ל רבים שפועלים במחנה הפליטים ג’נין@sapirlipkin pic.twitter.com/Al8MbbJHZf

— החדשות – N12 (@N12News) January 21, 2025

Во меѓувреме, ноќта меѓу понеделникот кон вторникот, израелските доселеници ги нападнаа селата Ал Фудук и Џинсафут, на Западниот Брег.

Според палестинското Министерство за надворешни работи, околу 50 „терористи, маскирани доселеници“ запалиле автомобили, домови и продавници. Повредени се вкупно 21 лице и сето тоа, како што тврдеше министерството, „под надзор и заштита на израелската армија и политички претставници“.

Доцна вчера, во понеделник, израелската армија објави дека ги „запрела немирите“ во предградието на Ал-Фудук, прецизирајќи дека воените власти треба да „спроведат истрага“ за овие инциденти.

Претходно во јануари, тројца Израелци беа убиени во инцидент со пукање во областа Ал-Фудук.