Булдожер управуван од израелските одбранбени сили (ИДФ) наишол на експлозив додека се обидувал да урне куќа на Западниот Брег. „Инженерските сили открија експлозиви наменети да им наштетат на нашите сили во бегалскиот камп во Џенин“, се вели во ажурираната објава.

Се појави и видео на кое се гледа моментот кога еден од булдожерите наидува на експлозивот. Следеа судири, при што ИДФ употреби дрон за да ги елиминира „вооружените Палестинци“. Дополнителни извештаи велат дека двајца Палестинци биле убиени во судирите кои следеле, иако тоа не е потврдено.

IDF says troops operated in the West Bank's Jenin refugee camp overnight, with D9 bulldozers uncovering and destroying dozens of IEDs. Troops also clashed with gunmen, and the IDF says it carried out a drone strike against a group of armed Palestinians who were shooting at… pic.twitter.com/nUDB1lcZ4q

— Emanuel (Mannie) Fabian (@manniefabian) November 9, 2023

На локацијата каде што се случи експлозијата беа испратени булдожери по наредба на израелската централна команда да ја урне куќата на Дауд Фаиз. Израелците тврдат дека Фаиз убил израелски војник откако удрил со неговиот автомобил во него на почетокот на оваа година.

Уривањето на семејните домови е израелска казна, особено користена во таканаречените „терористички“ случаи. Израелскиот комитет против уривање на домовите проценува дека Израел урнал 55.048 палестински згради од 2022 година, пренесува Скај њуз.

Израелските воени булдожери уриваат сѐ пред себе во Газа: Непробојни „мечиња“ пострашни од тенк