Македонската пејачка Ивона Јовановиќ, позната како Ивона Јо, вчера успешно ја направи операцијата за отстранување вишок кожа, четири години откако направи операција за скратување на желудникот. Како и минатиот пат, така и оваа операција ја направи во Турција, на клиниката за естетска, пластична и реконструктивна хирургија на д-р Емрах Аслан.

Музичката ѕвезда неретко искрено зборува за повеќе аспекти од нејзиниот приватен живот, а најмногу за борбата со вишокот килограми и сликата за себеси, па така и овој пат објави видео во кое раскажа како се чувствувала пред оваа операција.

„Патот кој ќе ми го смени животот започна на 20 јануари, упатувајќи  кон Истанбул и клиниката на д-р Емрах Аслан. Благослов е што бев споена со вакви луѓе, полни со разбирање и љубов кон својата работа. Вистински професионалци.

Направивме консултација со лекарот и решивме дека месецов ќе започнеме со првата фаза од операцијата, која ќе биде абдоминопластика, липосукција на стомак и подбрадок. За втората фаза ќе дискутираме после шест месеци.

Најважно од се во целиот процес околу отстранувањето вишо кожа е да се влезе  со вистински и реални очекувања од своето тело. Целиот процес ќе биде предизвик, но знам дека ќе помине се со верба и добра мисла.

Ви благодарам на сите за секоја порака, убава мисла и молитва.

Се слушаме утре“, напиша Ивона во описот.

 

View this post on Instagram

 

A post shared by IVONA JO (@ivonajo)

По операцијата, која траела шест часа и завршила успешно, пејачката се чувствува добро и веќе почнува да закрепнува.

„Многу сум потечена, не сакате да ме видите. Како Квазимодо сум. Но, ви благодарам што се грижите“, изјави кратко Ивона во видеото кое го објави нејзината пријателка, пејачката Тамара Волческа.