Италија е вториот четвртфиналист на Европското првенство откако вечерва на „Вембли“ стадионот во Лондон после продолеженијата успеа да ја совлада Австрија со 2:1.

Избраниците на селекторот Роберто Манчини кои уште пред почетокот на мечот се сметаа за фаворити, многу потешко од очекувањата дојдоа до победата.

Мируваа мрежите во регуларните 90 минути, иако во 65 минута Австријците постигнаа гол преку Арнаутовиќ, но истиот беше поништен после ВАР снимка поради офсајд.

Во 95 минута Италијанците го постигнаа првиот гол кој го реализираше Киеза, а вториот во 105 минута, дело на Песина после асистенцијата на Ачерби.

Австријците до крајот на продолженијата само ја ублажија елиминацијата преку Калајџиќ во 114 минута.

Противник на Италија во четвртфиналето на 2 јули во Минхен ќе биде подобриот од пресметката помеѓу Белгија и Португалија.

ВИДЕО: Крај за Велшаните, Данска е првиот четвртфиналист на ЕП!