Познатата македонска водителка Ирена Спировска викендов ја отвори снежната сезона на Попова Шапка, каде што уживаше во првиот на една од нашите најпознати зимски дестинации Попова Шапка.

Спировска одамна е позната по тоа што обожава да го минува времето во природа, а планините ѝ се вистинска пасија. Таа често знае да избега од градската врева и да ја наполни својата енергија токму меѓу планинските предели, каде што, како што вели, „човек најлесно си ја наоѓа душевната рамнотежа“.

На видеата објавени на нејзиниот Инстаграм профил, водителката изгледаше беспрекорно, со модерен зимски стајлинг кој совршено ја истакна нејзината природна убавина и елеганција.

Судејќи по насмевката и позитивната енергија што ја зрачи, Ирена повторно докажа дека знае како да ужива во секој момент и дека природата е нејзиното најомилено прибежиште.

Попова Шапка за неа не е само зимска дестинација, туку место каде што се враќа секогаш кога сака мир, чист воздух и вистинска магија на снегот.