Портпаролот на Комисијата за заразни болести Злате Мехмедовиќ во утринската емисија „Слободен печат“ на Слободна ТВ вели дека нивна должност е да ги неутрализираат сите дезинформации кои можат да направат штета на јавното здравје.

-Ние тие дезинформации треба да ги отфрлиме, да ја објасниме нелогичноста дека МРП вакцината е поврзана со аутизам со факти. Убеден сум дека се во многу помал број оние што пласираат дезинфорации, на тие кои пласираат невистини против вакцините. Тие се обесхрабрени, знаат дека аргументите не се на нивна страна. Цели 20 години објаснуваме дека оваа вакцина нема врска со аутизам. Ако се земе таа вакцина, преку 20 милиони долари се потрошени за научни студии кои докажале дека нема никаква поврзаност меѓу вакцината и аутизмот. Не постои дезинфирмација која не е побиена- вели Мехмедовиќ.

ВИДЕО ИНТЕРВЈУ | Мехмедовиќ: Се прават напори онколошките пациенти терапијата да ја земат од матичните лекари

Тој го дава македонскиот пример од 2019 година кога со 95 отсто вакцинирани деца со оваа вакцина, немало ниту едно пријавено дека има аутизам.

-Имавме брифинг на еден педијатар Лилјана Којиќ која кажа дека во 2019 година кога работела како педијатар десет деца кои биле невакцинирани со МРП и кои имале морбили и сериозна компликација од нив, половина биле со аутизам. Невакцинирани, а имале аутизам. Практичните работи се дополнителен доказ дека нема никаква врска на аутизмот со оваа вакцина- вели Мехмедовиќ.

Целото интервју погледнете го во продолжение: 

ВИДЕО ИНТЕРВЈУ | Д-р Мехмедовиќ: Магарешката кашлица трае сто дена, има два случаи во јануари – едниот импортиран од Данска