Фудбалерите на Интер победија како гости кај Каљари со 3:0 во натпреварот од 18. коло во Серија А, што беше нивни седми првенствен триумф во низа.

„Нераѕурите“ поведоа во 53. минута, Николо Барела нафрли, а Алесандро Бастони со глава од далечната статива ја испрати топката во мрежата.

Барела улогата на играч на натпреварот ја заслужи со втората асистенција на натпреварот, во 71. минута, кога погоди Лаутаро Мартинез. На тој начин Аргентинецот конечно ја прекина голгетерската серија која траеше 10 натпревари, сметајќи ги сите натпреварувања.

Конечниот резултат на мечот на стадионот „Унипол Домус“ го постави Хакан Чалханоглу со гол од пенал во 78. минута.

Интер сега е прв на табелата со 40 бодови од 17 натпревари, исто колку и Аталанта, која има и 17 одиграни натпревари, но вечерва гостува кај Лацио. Каљари е 18-ти со 14 бодови.