Во дербито на 26. коло во Серија А, лидерот Интер со 1:0 ја совлада Аталанта и направи нов голем исчекор кон освојување на титулата.
Со минималниот триумф над петтопласираната Аталанта, Интер повторно има шест бода предност пред второпласираниот Милан.
Во првото полувреме најдобрата шанса ја имаше Аталанта и тоа преку Дуван Запата но неговиот шут со глава заврши директно во рацете на голманот Хандановиќ.
За разлика од Аталанта, Интер од својата прва шанса успеа да постигне гол. Јунак на „нераѕурите“ беше Милан Шкринијар кој во 54. минута најдобро се снајде во шеснаесетникот на Аталанта и со одличен шут го совлада Спортиело.