Фудбалерите на Интер не дозволија изненадување и на гостувањето кај Кротоне славеа со 0:2 и се најдоа на чекор од освојување на титулата.
„Нераѕурите“ сега имаат 14 бодови повеќе од Аталанта и може уште утре да бидат крунисани за нови шампиони во Серија А, доколку тимот од Бергамо не го совлада Сасуоло.
На водечкиот гол за Интер се чекаше повеќе од еден час, кога Лукаку му асистираше на Кристијан Ериксоен кој пак со прецизен удар го совлада голманот Кордаз.  Победата ја завери Ашраф Хакими во втората минута од судиското продолжение.
Поразот од Интер значи дека Кротоне во следната сезона ќе игра во Серија Б бидејќи се последни на табелата со само 18 бодови, дури 13 помалку од местото носи опстанок на четири кола до крајот на сезоната.