Во првиот натпревар од четвртфиналето во Лигата на шампионите фудбалерите на Интер како гости во Минхен го совладаа Баерн со 2:1.

Гостите од Милано поведоа со голот на Лаутаро Мартинез во 38 минута од средбата на „Алијанц Арена“.

Германците успеаја да дојдат до израмнување во 85 минута преку резервниот играч Томас Милер.

Но, само три минути подоцна Италијанците возвратија благодарение на фудбалерот кој влезе од клупата, Давиде Фратези.

Реваншот на „Џузепе Меаца“ ќе се игра на 16 април со почеток од 21.00 часот. Победникот од овој двомеч во полуфиналето ќе се соочи со подобриот од дуелите помеѓу Барселона и Борусија Дортмунд.