Најмалку 20 летови до и од индонезиското островско одморалиште Бали беа откажани или одложени, а три аеродроми во покраината Источна Нуса Тенгара беа затворени поради ерупцијата на вулканот Левотоби Лаки – Лаки, соопштија официјални лица во вторникот.

Вулканот Левотоби Лаки – Лаки, кој се наоѓа во покраината Источна Нуса Тенгара, еруптираше вчера, исфрлајќи пепел 11 километри во воздух и принудувајќи ја вулканолошката агенција на земјата да го подигне нивото на тревога на највисоко ниво.

Volcano Alert at highest level as Mount Lewotobi Laki-laki on the island of Flores in Indonesia erupts

An Air India flight bound for Bali was earlier cancelled due to this.#Bali #AirindiaPlane pic.twitter.com/awRGfBm0Cg

— Priyanshi Bhargava (@PriyanshiBharg7) June 18, 2025

Утрово повторно еруптираше, испраќајќи облак од пепел висок еден километар, се наведува во соопштението на агенцијата. Најмалку 26 меѓународни и домашни летови беа откажани или одложени, се наведува во соопштението на Министерството за транспорт на Индонезија, што влијаеше на повеќе од 14.000 патници.

Меѓу нив беа најмалку 14 летови од Индија, Сингапур и Австралија до Бали, според веб-страницата на Меѓународниот аеродром на Бали.

„Сингапур ерлајнс“ откажа четири лета од аеродромот Денпасар на Бали во Сингапур, а нејзината нискобуџетна подружница „Скут“ откажа летови до Бали и соседниот остров Ломбок, соопшти авиокомпанијата.

Bali flights cancelled after Indonesia volcano eruption.

Mount Lewotobi Laki-Laki, a 1,703-metre (5,587-foot) twin-peaked volcano on the tourist island of Flores, erupted on Tuesday, with authorities raising its alert status to the highest level.https://t.co/RQQ2rlwPYX pic.twitter.com/Y9Hg81xWrb

— AFP News Agency (@AFP) June 18, 2025

„ЏетСтар“, нискобуџетната подружница на „Квантас“, откажа неколку утрински летови до Бали од Австралија и очекува доцнења на попладневните летови.

„Прогнозата е дека се очекува облакот од пепел да се расчисти до подоцна вечерва“, соопшти „ЏетСтар“ во пладневното предупредување за патување.

Летовите на „Ер Азија Малезија“ и „Ер Азија Индонезија“ до и од Бали, Ломбок и Лабуан Баџо исто така беа откажани или презакажани, се вели во соопштението на авиокомпанијата.

Владата затвори три аеродроми во покраината Источна Нуса Тенгара, вклучувајќи го и „Франциско Ксавиер Сента“ во Маумере, од денес до утре, бидејќи стави приоритет на безбедноста на патниците, соопшти Министерството за транспорт.

Ерупцијата, исто така, ги принуди локалните власти да евакуираат десетици жители кои живеат во две села во близина на вулканот, изјави Ави Халан, локален службеник за управување со катастрофи.

„Патиштата во двете села беа исполнети со густ пепел, чакал и песок“, рече тој, додавајќи дека нема пријавени жртви.

Вулканот последен пат еруптираше во мај.