Тимот на Индијана пејсерс стигна до водство од 2-1 во големото финале на НБА, откако на домашен терен пред своите навивачи, ја совлада Оклахома со 116-107.

Иако Тандер имаше предност од пет поени на стартот од последната четвртина, токму во тој решавачки период доживеа вистински пад. Гостите постигнаа само 18 поени, додека Индијана се разбуди и со цврста одбрана и сигурна реализација ја презеде контролата над натпреварот.

На нешто повеќе од седум минути до крајот резултатот беше израмнет (98-98), но до крајот Индијана прими само девет поени. Клучен момент беше и блокот на Шеј Гилџес Александер, кој во последната четвртина успеа да погоди само еднаш, што значително го ослаби нападот на Оклахома.

Во завршницата, важни поени реализираа Бенедикт Матуран и Паскал Сиакам, кои ги отстранија сите дилеми околу победникот. Матуран беше најефикасен со 27 поени, а Тајрис Халибартон беше блиску до трипл-дабл со 22 поени, 11 асистенции и 9 скока. Кај Оклахома, најдобар беше Џејлин Вилијамс со 26 поени, додека Гилџес Александер заврши со 24.

Четвртиот меч од финалната серија ќе се игра повторно во Индијанаполис, в сабота рано наутро, а Пејсерс ќе имаат шанса да стигнат на чекор до историската титула во НБА.