На социјалните мрежи деновиве се појави видео од двајца мажи кои сурфаат на Големиот канал во Венеција, што е строго забрането. Ова го остави градоначалникот на градот, Луиџи Бругнаро доста нервозен.

Бругнаро изјави дека ги бара „двајцата препотентни идиоти“ кои се снимале како сурфаат низ Големиот канал. Тој вели дека ќе го почасти со вечера оној кој ќе ги најде и идентификува двајцата мажи, пренесува „Гардијан“.

Ecco due imbecilli prepotenti che si fanno beffa della Città… chiedo a tutti di aiutarci a individuarli per punirli anche se le nostre armi sono davvero spuntate… servono urgentemente più poteri ai Sindaci in tema di sicurezza pubblica!
A chi li individua offro una cena! pic.twitter.com/DV2ONO3hUs

— Luigi Brugnaro (@LuigiBrugnaro) August 17, 2022

„Еве ги двајцата препотентни идиоти кои го исмеваат овој град“, напиша Бруњаро. „Ги замолувам сите да ни помогнат да ги идентификуваме и казниме, на градоначалниците итно им требаат повеќе овластувања во однос на јавната безбедност“.

Локалните медиуми пишуваат дека двајцата мажи вчера биле фатени и казнети.