Не чувствувам лична одговорност за лошиот нацрт извештај на УНЕСКО за Охрид, истакна градоначалникот на Охрид, Константин Георгиевски во вечерашното гостување во „Топ Тема“ на ТВ Телма.

Посочи дека ја презел функцијата на 5 мај во 2019 година и од тогаш биле спроведени многу работи, а причината за сегашната состојба ја лоцира во минатото и проблемите кои се таложеле.

Георгиевски истакна дека забелешките до УНЕСКО ќе бидат испратени, но не очекува големи промени на извештајот. Негова соговорничка во емисијата беше Донка Барџиева од Ценатрот за културно наследство која за одговорна ја смета Владата.