Претседателот на Собранието на Србија, Ивица Дачиќ, за време на гостување во утринската програма на ТВ Хепи ја навреди вршителката на должноста претседател на Косово, Вјоса Османи.

„Ја имаме Вјоса Османи на Косово, која е против сè кога станува збор за Србија“, рече Дачиќ, додека модераторите на шоуто го потсетуваа на неговите судири со поранешната амбасадорка на Косово во Вашингтон, Вљора Читаку, за време на седниците на Советот за безбедност на ООН.

„Вјоса е 10 пати поцрна од Вљора Читаку“, додаде тој.

Дачиќ зборуваше и за изборите во Косово кои се очекува да се одржат наскоро. Тој рече дека е воспоставена практика секогаш кога има разговори со Србија и дека е близу до постигнување договор, да се распишат избори на Косово.

„До вчера, веста беше самитот што ќе го организираа претседателот на Франција Емануел Макрон и германската канцеларка Ангела Меркел, но вечера излезе Уставниот суд и ја собори Владата. Оваа практика е воспоставена уште од времето кога бев учесник во дијалогот“ рече Дачиќ.

Тој истакна дека очекува Србите да излезат уште посилни и пообединети на претстојните избори во Косово.