Хрватски студенти демолирале хотел во Охрид објави,24sata.hr. Информацијата од хотелот ја потврдиле за хрватскиот медиум 24sata.hr. Изјавиле дека со нив имало и српски студенти, но тие биле мирни, додека Хрватите агресивни.

Од хотелот додале дека се многу изненадени. Посочиле дека имаат големи групи студенти кои доаѓаат да се дружат и дека никогаш до сега немало проблем.

„Имавме обезбедување кое ја смири ситуацијата и полицијата не интервенираше. Хотелот функционира нормално и пристигнаа нови групи студенти. Се надеваме дека ова нема да се повтори“, изјавиле од хотелот за хрватскиот медиум.

Претседателот на Студентскиот сојуз на КИФ, чии студенти биле во хотелот изјавил дека не му е јасно од каде менаџерот знаел дека токму студентите од Загреб биле агресивни.

„Што се однесува до сопственикот на хотелот, мислам дека е глупаво да се обвинува групата или факултетот што ја предизвикал штетата затоа што едноставно, од 1.230 студенти што беа таму, секогаш ќе има некој што ќе направи штета, тоа е едноставно законот на големи броеви. За толку луѓе сигурно од пет до 10 дојдоа да прават проблеми.Не знаеме кои се овие лица и дефинитивно ги осудуваме.Ако се поединци од Загреб, јас ќе бидам првиот што ќе сака да ги санкционира и верувам дека тоа ќе го направат локалните факултети, секој за своите студенти“, додава тој.

Тој дополнил и дека студентите секако ја покриле целата штета, бидејќи при влегувањето во хотелот морале да платат по 20 евра за депозит кој не им бил вратен.

„Мислам дека е лесно да се пресмета колку е 1.230 пати по 20 евра, тоа е депозитот и се надевам дека е доволно, но ако треба ќе ги најдеме и тие физички лица кои дополнително ќе платат“, вели Стојчевиќ.

На видеото кое го објавија хрватските медиуми може да се види уништениот хотелски инвентар, скршени стакла, пивски шишиња на покривот, тоалет кој изгледа како да е запален.