Четири лица, меѓу кои и деца, загинаа кога возило удри во градинка во Чатам, Илиноис, во САД, соопшти полицијата.

„Во овој момент можеме да потврдиме дека четири лица, на возраст од 4 до 18 години, загинаа, кога возилото удри во градинка во Чатам, мал град во државата Илиноис“, соопшти државната полиција.

JUST IN: Woman drives car through daycare and after-school camp in Chatham, Illinois, killing at least 4 people, police say pic.twitter.com/5CM1CAQdWL

— BNO News (@BNONews) April 28, 2025

Три од жртвите биле удрени од црниот џип додека стоеле пред зградата, додека четвртото лице кое починало било внатре во зградата, соопштија властите. Шест други лица биле итно префрлени во болница, вклучувајќи еден на кого му била укажана прва помош со хеликоптер.

Полицијата го уапси возачот, а постојат сомненија дека возела под дејство на алкохол.

Жената која возела и била идентификуван како единствен патник во возилото, не е повредена, но е однесена во локалната болница на тестови. Не се објавени повеќе информации за причината за несреќата, ниту за идентитетот на возачот.

🚨#UPDATE: Here’s a photo of the back side of the woman suspected of driving a rogue Jeep that plowed through YNot’s after-school camp in Chatham, Illinois, leaving four dead and three mowed down outside and one crushed inside. Police apprehended the driver, and DUI is suspected.… pic.twitter.com/6L1oSaiTqj

— R A W S A L E R T S (@rawsalerts) April 29, 2025

Снимките од местото на настанот покажаа големи дупки од двете страни на зградата и црн џип со сериозни оштетувања на предната страна. Според извештаите, автомобилот удрил во источната страна на зградата со таква сила што излегол од другата страна.

YNOT Outdoors е летен камп по училиште – кој нуди три часа грижа за зафатени родители со мали деца.

Државната полиција на Илиноис, во соработка со полициската управа на Чатам, соопшти дека истрагата е сè уште активна и дека повеќе информации ќе бидат објавени кога ќе бидат достапни.