
ВИДЕО: Холандија е првиот четвртфиналист на СП, Американците ќе го сонуваат Думфрис
Фудбалерите на Холандија се пласираа во четвртфиналето на Светското првенство во Катар откако со 3:1 ја елиминираа селекцијата на САД во осминафиналната фаза.
Препорачано
Уште на почетокот, во третата минута, одлична шанса имаше најдобриот американски играч Пулишиќ, а подобар впечаток оставија фудбалерите на САД во првото полувреме. Но, додека Американците пропуштаа шанси, Холанѓаните постигнуваа голови.
Во првите 45 минути Холандија постигна два идентични гола, а стрелци беа Депај во 10 и Блинд во првата минута од судиското надополнување, по одличните две асистенции на Думфрис.
Quarter-final spot: Confirmed ✅
?? How far can this Netherlands team go at the #FIFAWorldCup? pic.twitter.com/KwBGeY7cdp
— FIFA World Cup (@FIFAWorldCup) December 3, 2022
Во преостанатиот дел од натпреварот двете репрезентации имаа многу шанси, особено оние на холандските фудбалери беа опасни, но резултатот се задржа 2:0 до 76. минута. Потоа, САД намалија на 2:1 со еден необичен гол на Амир Рајт. Холандија дефинитивно го реши прашањето на победникот во 81 минута, а Думфрис, играчот на Интер, стрелаше за конечни 3:1.
Еве уште неколку интересни податоци, Депај стигна до 43 гол на вечната листа за „лалињата“, сега членот на Барса има седум помалку од водечкиот Робин ван Перси.
Думфрис со голот и двете асистенции е еден од тројцата играчи кои директно учествувале во три гола на еден од натпревар од светските првенства за Холандија, после Роб Ренсенбринк (двапати во 1978) и Јохан Кројф (во 1974 година).
Составот на Луј ван Гал во четвртфиналетона 9 декември во Лусаил ќе игра против победникот од дуелот меѓу Аргентина и Австралија, закажан за вечерва од 20.00 часот.