Неверојатен хаос беше виден вечерва по дербито во Виена помеѓу Рапид и Австрија каде што навивачите влегоа на теренот и настана општа тепачка помеѓу двете навивачки групи.

Рапид славеше победа од 2:1, а на крајот од средбата маскирани хулигани втрчаа на теренот и дојдоа до фановите на Австрија кои беа во многу помал број. Сепак и тие се симнаа на теренот по што започна хаос.

На снимките може да се види како навивач на Австрија е брутално препетан од противничките навивачи во близина на корнер знаменцето.

Полицијата на теренот задоцни со својата реакција и целиот инцидент траеше неколку минути.