Возачот на Прамак Дукати, Хорхе Мартин славеше на трката на Големата награда на Штаерска и дојде до првата победа во кралската класа.

Младиот Шпанец исто така му ја донесе првата победа на својот тим во Мото ГП класата и тоа во трка во која имаше голем инцидент во кој беше избегната трагедија.
Второто место му припадна на актуелниот шампион Жоан Мир, додека лидерот во генералниот пласман Фабио Квартараро заврши на третото место.

#StyrianGP ?? #MotoGP

Les motos de Dani Pedrosa et Lorenzo Savadori en feu après un crash ? pic.twitter.com/1GviFia8Py

— CANAL+ MotoGP™ (@CanalplusMotoGP) August 8, 2021

Трката освен победата на Мартин, ја одбележа и големиот инцидент во третиот круг помеѓу Дани Педроса и Лоренцо Салвадори. Имено, Педроса ја загуби контролата над својот мотор и падна, а поголем број од возачите успеаја да го избегнат, но не и Салвадори кој налета на моторот на Шпанецот. По сударот и двата мотори се запалија, но за среќа немаше повредени, а трката беше рестартирана и славеше Мартин.

Клучниот момент се случи во самиот финиш од трката кога Мир направи грешка која ја искористи Мартин да направи предност поголема од една секунда.
Инцидентот во третиот круг може да го погледнете на следниот ЛИНК.