Шампионот на Македонија Струга Трим Лум остана без пласман во групната фаза од Конференциската лига откако денес по вторпат минимално загуби од исландскиот Брејдаблик.

Иако ждрепката на стружани беше поволна и влегоа како фаворити во двомечот со Брејдаблик сепак на крајот претставникот од Исланд ги доби двата дуели со по 1:0.

Во денешниот натпревар единствениот гол на натпреварот беше постигнат уште во третата минута.

Струга во продолжение се обидуваше да се врати, но не успеа посериозно да се закани па така Брејдаблик без проблеми ја одбрани предноста.

Со оваа елиминација на Струга Вардар остана единствен македонски тим кој играл групна фаза во едно европско натпреварување (Лигата на Европа).