Норвешкиот ски-скокач Халвор Егнер Гранеруд славеше на втората скокалница во рамките на новогодишната турнеја „Четири скокалници“ во Гармиш-Партенкирхен.

Беше тоа фантастично натпреварување во Гармиш. Кубацки и Ланишек беа одлични, но и двајцата останаа во сенка на победникот од Оберстдорф.

Гранеруд на крајот го направи она што требаше да го направи, Норвежанецот мораше да прескокне најмалку 140 метри за да победи.

Норвежанецот триумфираше со 142 метри и вкупно 303,7 поени, пред Анже Ланишек кој забележа 297,3 поени. Третото, последно место на подиумот го зазеде Давид Кубацки.

Гранерунд почна како Кобајаши минатата година, а во среда ќе има шанса за нова победа во Инсбрук. Во петок ќе заврши турнејата со скоковите во Бишофсхофен.