„Сите што сме најмалку една година во општина Аеродром го знаеме жариштето на проблемот со загадениот воздух, а тоа е „Вардариште“, вели еден од граѓаните кои денес излегоа на протестот во кој сакаа да ја блокираат раскрсницата помеѓу булеварите „Асном“ и „Србија“.

Тој вели дека тоа е „канцер“ и бара надлежните институции „без обвинувања едни кон други, да си ја преземат одговорноста и да го казнат виновникот“, пренесе „24 Инфо“.

Граѓаните кои денеска излегоа на протестната блокада ситуацијата со чадот и загадениот воздух ја опишаа како „неподнослива“.

За утре е закажан нов протест во 18 часот повторно на истото место, во паркот „Авионче“. Граѓаните најавија дека ќе се собираат секој ден, додека не се реши проблемот, односно додека не видат да се преземаат конкретни мерки, како што им било ветено денес од локалните власти.