Голем судир меѓу навивачи се случи рано наутро, нешто по девет часот во Сплит, пред големото дерби на хрватското фудбалско првенство меѓу Хајдук и Динамо на Пољуд.

Според првите информации, дошло до тепачка меѓу 200 навивачи од едната и другата страна, по што настана стампедо.

Група од околу 50 „Бед Блу бојс“ дошла во Пујанке. Тие биле маскирани кога дошло до општ конфликт, а според очевидци, гостите од Загреб не поминаа добро.

Сплитската полиција објави дека добила пријава за конфликт во кој учествувале голем број луѓе на Пујанка во Сплит, и дека полицајците брзо пристигнале на местото на конфликтот и воспоставиле ред и мир.

Голем број навивачи кои учествуваа во тепачката веќе се донесени во полициската станица во Сплит, додека потрагата по преостанатите навивачи е во тек.

Натпреварот меѓу Хајдук и Динамо вечерва е опишан како натпревар со висок ризик:

– Горенаведениот јавен собир е прогласен за натпревар од висок ризик, а полицијата – со координативна улога на Одделот за обезбедување натпревари од висок ризик при Министерството за полиција – ќе преземе мерки и дејствија во рамките на својата надлежност, во согласност со Протоколот за безбедност на натпревари од висок ризик и во согласност со Законот за полициски активности и овластувања, Законот за спречување на нереди на спортски натпревари и Законот за јавни собири – се вели во соопштението на Сплитско-далматинската полиција.