ВИДЕО | Гоцевски: Нашата армија има големо искуство, трансформирана според стандардите на НАТО и со план за десетгодишен развој
„Нашата Армија има големо искуство, таа е трансформирана по сите стандарди на НАТО и има капацитети толкави, како што се проценуваат од НАТО. Тие се доволни. Денес нашата армија според капацитетите на нашата држава е добро структурирана, опремена и за првпат имаме десетгодишен план за развој“ рече Трајан Гоцевски, прв министер за одбрана и член на Советот за безбедност во утринската програма на „Слободен печат“.
Препорачано
Тој додаде дека планот за развој на Армијата опфаќа близу една милијарда евра инвестиции, со кои армијата ќе продолжи да ги исполнува своите задачи на високо ниво.
„Нашата армија придонесе најмногу, затоа ја нарекувам амбасадор од највисок ранг, за државата да влезе во колективниот систем за одбрана НАТО и сега да може да го користиме членот 5. Кога зборуваме за нашата армија, нејзината моќ и мисија, ние сме дел од колективен систем, каде сите ресурси кои ги има нашата армија се дел од воените и други структури на НАТО“ рече Гоцевски.
Тој рече дека и при последната посета на генералниот секретар на НАТО беше истакнато дека ако некој се обиде да напдне било која членка на Алијансата, вклучително и Македонија, ќе си има работа со цело НАТО.
Целото интервју до проф. д-р Трајан Гоцевски погледнете го во продолжение:
