После цели шест години, пејачката Ријана се врати на музичката сцена со моќната балада „Life Me Up“.

Оваа песна е дел од музиката за филмот „Црниот пантер: Ваканда засекогаш“, а е напишана од нигериската пејачка Тамс, шведскиот композитор Лудвиг Горансон и режисерот Рајан Куглер. Песната е снимена во пет земји, а ја продуцираше Горансон, пишува магазинот „Сити“.

Баладата е посветена на актерот Чедвик Боузман, кој глумеше во првиот дел на филмот „Црниот пантер“. Тој почина пред две години, на 43-годишна возраст, како последица од рак на дебелото црево.

„Ријана ми беше инспирација, така што ми е голема чест да ја чујам како ја изведува оваа песна“, вели Тамс.

Нејзините верни обожаватели се воодушевени од фактот дека Ријана ѝ се врати на музиката, а дел од нив искоментираа дека баладата толку многу ги допрела што се расплакале.