Новак Ѓоковиќ одигра уште еден одличен меч и со 2-0 во сетови го совлада Бугаринот Григор Димитров за пласман во финалето на турнирот во Мајами каде што ќе се обиде да дојде до својата 100-та АТП титула во кариерата.

Димитров добро влезе во мечот и уште во првиот гем го освои сетот на Новак, но српскиот ас експресно возврати и израмни на 1-1 веќе во следниот гем.

Димитров се држеше до шестиот гем кога по вторпат го изгуби својот сервис, за водство на Ѓоковиќ од 4-2. Во следните два гема Ѓоковиќ само ја потврди добрата игра за о 6-2 да дојде до предност од 1-0 во сетови.

99 5/6 😎

The moment @DjokerNole reached his 142nd career final to move within one victory of his 100th ATP title. #MiamiOpen pic.twitter.com/tAnOmoeKRu

— Tennis TV (@TennisTV) March 28, 2025

Продолжи каде што застана Ѓокови и во вториот сет поведувајќи со 3-0 по што без проблеми го приведе мечот кон крајот освојувајќи го сетот со 6-3. Противник на Ѓоковиќ во финалето ќе биде победникот од второто полуфинале помеѓу Фриц и Менсик.

Денешниот меч на Ѓоковиќ од трибините во Мајами го следеше и фудбалската ѕвезда Лионел Меси, а Новак по мечот истакна дека ова е првпат Аргентинецот да гледа негов натпревар во живо.

Lionel Messi and Antonela watching Novak Djokovic! 🐐🎾 pic.twitter.com/w6gtVrqMXV

— Roy Nemer (@RoyNemer) March 28, 2025

Навивач го прекина мечот помеѓу Ѓоковиќ и Димитров, реагираше обезбедувањето