Високата влажност од 80 дури до 95 проценти за време на Мастерс-турнирот во Шангај тешко ја поднесуваат дури и најдобрите и најподготвените светски тенисери. Српскиот тенисер Новак Ѓоковиќ се пласира во осминафиналето, но против Германецот Јаник Ханфман славеше во три сета. Уште во првото коло освојувачот на рекордни 24 гренд-слем турнири се жалеше на непосдносливата шангајска жештина, но видеото кое беше објавено на социјалните мрежи најдобро ја доловува неговата психофизичка состојба за време на мечот.

Во еден момент, Ѓоковиќ поврати на теренот, детаљ што не беше прикажан за време на телевизискиот пренос. Сепак, и покрај големите проблеми, Ѓоковиќ успеа да го сврти натпреварот во своја корист по првиот загубен сет. Во осминафиналето ќе се соочи со нов предизвик против Шпанецот Хауме Мунар.

Djokovic a vomi plusieurs fois durant son match face à Hanfmann

Fou qu'il ait gagné en 3 sets malgré ça

TOUT va bien à Shanghai 🙃 pic.twitter.com/487tOZ5iQh

— TennisTemple (@tennistemple) October 5, 2025

Дури и светскиот тениски број 1 во моментов, Јаник Синер, се повлече во третиот сет од натпреварот против Талон Хрикспoр од Холандија (1:1 во сетови, 2:3 во гемови) поради грчеви. Според последните информации, не станува збор за повреда. Грчевите се последица на дехидратација на телото, односно изгубените течности.

Преземено од Спорт.ком.мк