Тениската репрезентација на Србија денеска се пласираше на завршниот турнир во Дејвис купот, откако најдобриот светски тенисер Новак Ѓоковиќ во два сета го совлада Алехандро Давидович Фокина и го донесе вториот бод за Србија, како и победата во мечот против Шпанија.

Во првиот меч од овој дуел, претходно во сингл конкуренцијата Ласло Ѓере го победи Алберто Рамос со 2:0.

Покрај Србија, од истата група меѓу осумте најдобри се пласираше и Чешка, со која Србија ќе се сретне во последното коло во меч без резултатско значење.

На вечерашниот меч Ѓоковиќ победи со 2:0 во сетови 6:3, 6:4 по еден час и 49 минути игра.

Во осмиот гем од првиот сет Ѓоковиќ му го одзеде сервисот на противникот, а во следниот гем ја искористи втората сет топка при сервис.

Во вториот сет прв до брејк стигна Давидович Фокина во четвртиот гем, а Ѓоковиќ со врзани брејкови во седмиот и деветиот гем оствари пресврт и обезбеди победа.

Завршниот турнир во Дејвис купот натпреварување ќе се игра во Малага, од 21 до 26 ноември 2023 година.