Екипата на Тетекс по пауза од подолго време се врати на Градскиот стадион во Тетово и тоа на најдобар начин и денеска против Слога Виница славеше победа со 4-0.

„Штофарите“ досега имаа само еден триумф сезонава,  оној во второто коло против Детонит, но денеска покажаа далеку подобро лице. Отпорот на гостите беше скршен по нешто повеќе од еден час игра, и тоа со вистински еврол гол.

Во 65. минута, Меритон Салији се реши на удар од далечина од цели 40 метри  и го искористи лошото поставување на голманот за да ја затресе мрежата и да донесе водство. Точка на натпреварот стави Даути во петтата минута од судиското продолжение, за запечатен триумф и нови три бода на сметката на Тетекс.

Со оваа победа, тетовци сега се искачија на деветтата позиција на табелата со вкупно шест освоени бода и најавија подобри денови пред својата публика.