Јамајчанката Шели-Ен Фрејзер-Прајс стана втората најбрза жена на сите времиња на 100 метри откако на националните олимписки квалификации во Кингстон постигна време од 10.63 секунди.
Двојната олимписка и четирикратната светска шампионка на 100 метри ја потврди одличната форма на националниот стадион во Кингстон каде го подобри личниот рекорд за седум стотинки. Ветерот беше на дозволени 1.3 метри во секунда во грб.

Единствена која побрзо истрчала на 100 метри е Американката Флоренс Грифит-Џојнер која во 1988 година постави светски рекорд во време од 10.49 секунди, а истата година трчаше и 10.61 и 10.62 секунди.