Алпинистот познат како „Францускиот Спајдермен“ се искачи на 38-катен облакодер во Париз за да ја покаже својата поддршка за демонстрантите кои протестираат поради пензиските реформи, пренесува „Гардијан“.

Ален Роберт (60) се качил без никаква заштита.

„Тука сум да ја покажам мојата поддршка за оние кои се против пензиската реформа“, изјави тој за Ројтерс пред да го започне своето искачување на облакодерот долг 150 метри во деловниот дел на главниот град. „Тука сум да му кажам на претседателот Емануел Макрон да се врати на земјата, со качување без заштитна мрежа“.

Роберт се искачил на повеќе од 150 високи структури ширум светот, вклучувајќи ги Бурџ Калифа во Дубаи – највисоката зграда во светот – како и Ајфеловата кула и мостот Голден Гејт во Сан Франциско.