Бразилскиот фудбалски клуб Флуминенсе е првиот учесник во полуфиналната фаза на Светското клупско првенство што се одржува во САД.

Денеска Флуминенсе на стадионот во Орландо триумфираше над Ал Хилал од Саудиска Арабија со резултат 2:1 (1:0).

Бразилците водеа по првиот дел со 1:0, првиот погодок беше дело на Матеус Мартинели во 40 минута.

Саудијците успеаја да израмнат во 51 минута преку Маркос Леонардо, а конечниот епилог го постави Херкулес во 70 минута.

Во полуфиналето Флуминенсе ќе игра против подобриот од пресметката меѓу Палмеирас од Бразил и англискиот Челси.

ВИДЕО | Натпреварот Флуминенсе – Ал Хилал почна со минута молчење во чест на Диого Жота и Андре Силва