Фудбалерот на Фиорентина, Едоардо Бове колабираше на средината на теренот за време на натпреварот со Интер минатиот викенд, а животот му го спаси брзата реакција на неговиот соиграч Данило Каталди.

Сега, седум дена подоцна, „виолетовите“ се сретнаа со Каљари во 15 коло од Серија А.

Фиорентина славеше со минимален резултат 1:0 во италијанскиот шампионат. А голот за домашниот тим го постигна токму човекот кој беше херој претходната недела.

Фиорентина поведе во 24 минута од тој меч, а водечкиот гол го постигна искусниот играч за врска, кој минатата недела беше херој на целиот фудбалски свет.

На табелата Фиорентина моментно е на четвртото место со 31 бод, додека Каљари е на 15 позиција со 14 бодови.