Во првиот натпревар од 27. коло на италијанскиот фудбалски шампионат, Фиорентина тесно го совлада Лече со 1:0.

Робин Госенс во деветтата минута го постигна единствениот гол на мечот.

Триумфот на домашните играчи можеше да биде уште поголема доколку Белтран го реализираше пеналот во 73 минута.

„Виолетовите“ сега имаат 45 бодови за моментно шесто место на табелата, четири помалку од четвртопласираниот Јувентус кој е на позиција која води директно во групите на Лигата на шампионите следната сезона. Лече има 25 бодови и се наоѓа на 16 место.

Во следното коло Фиорентина на 9 март ќе му гостува на Наполи, додека Лече еден ден порано ќе го пречека Милан.