Ви препорачуваме

ВОЈНА ВО УКРАИНА

фото: EPA/TOMS KALNINS

ВИДЕО | Финска ја совлада Грузија за прво историско полуфинале на Евробаскет

Ф.К.
Пред

Денеска во третиот четвртфинален натпревар на Европското првенство во кошарка, репрезентацијата на Финска со резултат 93:79 ја совлада Грузија. Така, Финците за прв пат во нивната историја ќе играат во полуфиналето на Евробаскет.

Добиј ги најважните вести, бесплатно на Viber

Препорачано

Грузиската селекција предводена од српскиот стратег Александар Џикиќ беше во негатива во текот на целиот меч, а до крајот на првото полувреме заостануваше 20 коша разлика. Потоа успеа да се врати во последната четвртина, но не и да дојде до победата.

Од претходно споменатите „минус 20“ негатива (57:37), до почетокот на решавачкиот период разликата се намали на само шест поени (73:67). Но, Грузијците немаа сили за целосен пресврт. Скромниот настап во средината на последната четвртина ги згасна последните надежи на тимот на Џикиќ, а со серија од 8:0 Финска го скрши отпорот на Грузијците, кои ја платија цената со (премногу) очајната игра на Камар Болдвин. Херојот во победата над Франција имаше ужасен ден и го заврши натпреварот со само два поени, со сите промашувања од играта – 0/8.

Иако Финска ги имаше конците во свои раце, конечниот резултат, може да се каже, беше под влијание и на техничката грешка на Гога Битадзе во втората половина од последната четвртина. Грузискиот центар (14 поени) го изгуби трпението, а кога Финска повторно се одвои на +10 (84:74), дефинитивно немаше враќање назад за Грузијците.

Прв стрелец во победничките редови беше Микаел Јантунен со 19 поени (пет скокови), следен од Лаури Марканен со 17 поени (шест скокови).

На спротивната страна како најефикасен се истакна Александер Мамукелашвили со 22 поени (по четири скокови и асистенции), додека Дуда Санадзе запиша 19 поени и пет скокови.

Во полуфиналето Финска ќе игра со победникот од четвртфиналниот дуел меѓу Германија и Словенија. Во вториот полуфинален меч се среќаваат репрезентациите на Турција и Грција.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

КЛИКНИ ЗА ДОНАЦИЈА

#финска #грузија #евробаскет #препорачано
Видео на денот
  • Најново
  • Најчитано

Препорачано од оваа категорија

Прочитајте повеќе

Алкалоид и ГРК Охрид одиграа реми во Суперлигата
Шкендија броеше до девет против Јени Маале, познати сите осминафиналисти во Купот
Барса е принудена да игра важен меч во Ла Лига на стадион со 6.000 седишта
Македонската тенисерка Ѓорческа со победа на стартот на турнирот во Букурешт
Почина Маркус Хелбиг: Германецот кој му судеше на Вардар во двете финалиња на ЛШ
Милан без Леао против Болоња, Нкунку се подготвува за деби
Скандал пред стартот на атлетското СП во Токио: Јакимовски, тренерот на Дарио Ивановски, упати тешки обвинувања кон АФСМ
Ленгстон Вилсон е последното странско засилување за КК Пелистер