ВИДЕО | Фановите се возбудени: Ријана се враќа на музичката сцена со нова песна по шест години пауза
Последно музичко остварување на Ријана беше нејзиниот осми студиски албум „ANTI“ во 2016 година на кој имаше нумери како „Work“ и „Love on the Brain“.
Препорачано
Оттогаш „The Navy“, името на нејзината база на обожаватели, со нетрпение ја чека да објави нови песни. Сепак, Ријана беше позафатена со работа на други проекти последниве неколку години, како нејзиниот бренд „Fenty“ кој вреди повеќе од милијарда долари, и ги вклучува линијата за долна облека „Savage x Fenty“ и козметичката линија „Fenty Beauty“.
View this post on Instagram
Покрај обврските со својот бренд, таа имаше и големи приватни обврски. Ријана во мај оваа година стана мајка за прв пат кога доби син со партнерот A$AP Rocky.
Ријана потврди дека се враќа на музичката сцена уште во септември кога ја прифати поканата на НФЛ да настапи на полувремето на Супербол во 2023 година.
View this post on Instagram
По шестгодишна пауза, конечно Ријана на Инстаграм сподели кратка снимка од 10 секунди на која може да се слушне дел од нејзината нова песна.
На видеото се гледа голема сребрена буква „R“, а во позадина се слуша како Ријана потпевнува. На крајот се појавува датумот 28.10.22 што веројатно е потврда дека тогаш новата песна ќе излезе во целост.
View this post on Instagram
Во вторникот од студиото Марвел преку твит навестија дека „Lift Me Up“ ќе се најде на саундтракот за претстојниот филм на Марвел „Wakanda Forever“.
Обожавателите на Ријана воодушевено коментираа под двете објави колку долго ја чекаат да сними нова музика.
„Моментот кој сите го чекавме“, „28.10. ќе стане празник“, „Звучиш како ангел“, „Конечно, навистина веќе беше време“, „Врескам“, „Сите сме спремни“, се дел од коментарите на нестрпливите обожаватели.
View this post on Instagram
