Ситуацијата на северот на Косово е сè уште многу кревка, изјави денеска Набила Масрали, портпаролка за надворешна политика на ЕУ, објави Косово онлајн.

Taa додаде дека ЕУ одиграла активна улога во последните настани во координација со САД и КФОР.

Таа повтори дека ЕК ја поздравува деескалацијата во Косово и отстранувањето на барикадите што ги поставија Србите на север

„Ситуацијата е навистина кревка и повикуваме на воздржаност од двете страни за ситуацијата да остане мирна и да се избегнат сите дејствија кои би имале потенцијал за враќање на насилството и ескалација“, рече Масрали и додаде дека ЕУЛЕКС ќе продолжи да ја следи ситуацијата во Косово.

Масрали рече дека настаните од претходните денови покажале колку е важно да се одржи нормализација на односите меѓу Косово и Србија врз основа на европскиот предлог, што значи дека без одложување спроведувањето на претходно постигнатите договори за враќање на Србите во институциите во Приштина и формирање на Заедница на српски општини.

Таа изјави дека ЕУ ќе продолжи да разговара со, како што наведе, двете страни и дека следните состаноци ќе бидат објавени кога ќе биде вистинскиот момент.