Австралиската полиција денеска соопшти дека истражува инцидент што се случил во трговски центар во Аделаида, на југот на земјата, што доведе до негова евакуација и предизвика полесни повреди кај некои луѓе.

Полицијата соопшти дека добила информации за две групи млади кои се тепале во областа на трговскиот центар Вестфилд Марион, а некои од нив биле вооружени.

„Како резултат на овој инцидент, управата на трговскиот центар го вклучи алармот за евакуација и трговскиот центар беше опколен“, се вели во соопштението на полицијата во јужноавстралиската држава.

Dramatic scenes at the Marion Shopping Centre late today, with reports of armed offenders setting off the alarms.

Shoppers running out or sent into lockdown as Star Group officers stormed in. @Gus_Macdonald_ @ExcellBeth #9News pic.twitter.com/jWy8cB6gZj

— 9News Adelaide (@9NewsAdel) June 23, 2024

Драматични сцени во трговскиот центар Марион се случија доцна денеска, со извештаи за вооружени престапници кои го вклучиле алармот.

#HAPPENING NOW: Westfield Marion shopping centre is in lockdown, with police advising the public to stay away from the area.

Numerous police patrols are in attendance.

More to come. #9News pic.twitter.com/8vpz1P1DCA

— 9News Adelaide (@9NewsAdel) June 23, 2024

„Многу клиенти кои бараа засолниште во продавниците беа безбедно изнесени надвор од центарот“, се додава.

Полицијата соопшти дека е задоволна дека нема закана за заедницата, но се вршат дополнителни истраги за да се идентификуваат инволвираните групи.

Помошникот на полицискиот комесар на Јужна Австралија, Скот Дувал, им изјави на новинарите дека снимките од трговскиот центар покажуваат дека станува збор за „случаен напад“, според мрежата ABC.

Дувал додаде дека никој не е сериозно повреден во конфликтот што избувна меѓу групите момчиња, но дека 77-годишна жена можеби паднала за време на процесот на евакуација и се здобила со скршеница, додека девојка за која се верува дека има 14 години, исто така, е повредена за време на евакуацијата.