На меѓународниот аеродром Пирсон во Торонто во четвртокот наутро настана хаос кога Терминалот 1 беше евакуиран поради полициска операција, по непотврдени извештаи за инцидент со пукање.

Полицијата на Онтарио преку објава на платформата Икс соопшти дека патиштата што водат до полетувањата на Терминал 1 се блокирани поради „полициска истрага“, повикувајќи ги граѓаните да ја избегнуваат областа.

Новинарката на CP24 Кортни Хилс објави видео од местото на настанот, на кое се гледа силно полициско присуство и сообраќаен метеж. Според неа, очевидец пријавил дека „десетици полицајци пристигнале вооружени“.

Breaking: A look at the scene from Terminal 1 at Pearson Airport. Heavy police presence, roads closed in the surrounding area. Traveller tells me dozens of cops pulled up with rifles pic.twitter.com/kwIwojXwq0

— Courtney Heels (@CourtHeelsCP24) April 24, 2025

Надлежните засега немаат официјална потврда дали имало вооружен инцидент, додека операцијата продолжува со патниците кои се во состојба на чекање и загриженост.